巴士奇遇

今日坐巴士時，周圍都無乜人，我就諗住近近地，選擇坐係出口位附近，原本整理緊自己D 野，無乜留意周圍，但去到某個站，就遇見一幕奇人奇事。

去到某個站，突然司機開車又停車，等左一陣又無人上車，司機又唔開車，原來司機係等緊一個行動不便既人上車。一陣之後，一個行動不便既後生仔終於上左車，但司機依然唔開車，同個後生仔講「你入左4亳子咋喎」，個後生仔答得好妙，話「我無散紙」，我睇一睇個收費牌，原來全費要 $4.1，俾佢優惠，都應該要 $2.1，但只係俾 $0.4 又真係少左D，唔怪得司機唔開車啦。呢個時候我就諗緊，如果司機堅持唔開車，我就幫佢拍八達通算啦，點知轉個頭個，唔知係咪個後生仔拍左卡，咁就俾左錢啦，本來個後生仔想行入去車廂中間坐，但最後佢選擇坐係司機後面D 位。

係呢個時候，司機依然唔開車，我心諗，又做乜唔開車丫。原來今次輪到等一個婆婆，佢老遠就叫個司機等埋，(其實個司機都幾好人，因為有D 司機係唔會等人既)，個婆婆上左車，坐係個後生仔對面，個婆婆都幾多野講，上左車就同司機話自己老，骨頭唔好，行唔得快咁。(其實都算幾快，幾精神)，跟住個後生仔竟然問婆婆有無散紙，起初我諗，佢係咪想大紙換散紙呢，原來唔係，佢應該係存心攞錢既。婆婆好人，俾左 $11個後生仔，個後生仔再問婆婆有無 $20，唔知做乜咁話，當時我諗，雖然你行動不便都唔應該向老人家埋手丫，結果個婆婆答得仲妙，婆婆話「你問第二個攞啦，我無散紙啦，有都俾你啦」，然後同個後手仔講左一埋佢自己既野。個婆婆應該都意識到個後生仔唔多好，所以無再俾錢佢。結果我坐到落車，雖然中間有好多人經過，但個後生仔都無問過另一個人攞錢，不過我諗佢應該都係存心騙人的了。

今次件事，令我學到遇到要幫既人就盡力幫，但都唔好盡信他人。同埋應該要學習一下婆婆既開朗心態，做人應該會開心好多。